ភ្នំពេញ៖ កីឡាការិនីគុនខ្មែរ ទួន ស្រីភីន ឈ្នះបានមេដាយប្រាក់លើវិញ្ញាសាទម្ងន់៥៧គីឡូក្រាម ក្រោយចាញ់គូប្រកួតកីឡាករវៀតណាម Bui Yen Ly ក្នុងវគ្គផ្តាច់ព្រ័ត្រដែលធ្វើឡើងនៅរសៀលថ្ងៃទី១១ ខែឧសភា នៅក្នុងពហុកីឡដ្ឋានជាតិមរតកតេជោ។
ជាមួយគ្នានេះនៅមានគូប្រកួតចំនួន៣គូបន្ថែមដែលនឹងប្រកួតបន្តទៀត។ នៅក្នុងការប្រកួតវគ្គផ្តាច់ព្រ័ត្រគូចុងក្រោយនៅថ្ងៃនេះ កីឡាករគុនខ្មែរ ព្រំ សំណាង នឹងប្រកួតដណ្តើមមេដាយមាសជាមួយកីឡាករមីយ៉ាន់ម៉ា Tun Tun Min លើវិញ្ញាសាទម្ងន់៨១គីឡូក្រាម។
ក្នុងការប្រកួតគុនខ្មែរវគ្គផ្តាច់ព្រ័ត្រថ្ងៃនេះ មានគូប្រកួតចំនួន៩គូ ដោយកីឡាករ-កីឡាការិនីចំនួន៤រូបទទួលបានមេដាយមាស ខណៈកីឡាការិនីចំនួន២រូបទទួលបានមេដាយប្រាក់៕
